Икшывым шкет ончен-куштушо ача але ава у пособийым налаш тӱҥалыт
Икымше июль гыч шкет ача-ава-влак икшывылан у пособийым налаш тӱҥалыт. Российын Правительствыже 36 миллиард утла теҥгем 8 гыч 17 ияш марте йоча- влакын шкет ача але аваштлан тӱлаш ойыра. Тидын нерген премьер-министр Михаил Мишустин правительствын заснданийыштыже увертарен. Тиде пособийын кугытшо йочалан илен лекташ ситыше эн изи оксан пелыже лиеш. Кокла шот дене тудо тылзеш вич тӱжемат пелышке шуэш. У пособийым кугыжаныш полыш портал гочат оформитлаш лиеш, тушто лӱмын формо ямдылалтеш. Мишустин палемден: тиде окса шийвундо шотышто нелылыкыш логалше- влаклан адресан полыш лиеш. Тыгай еш- влаклан полшаш правительстве специальный казначействе системым виктарен толеш.