Перинатал рӱдер у мебельым налеш
Республикысе перинатал рӱдер 16 миллион наре теҥгелан у медицина мебельым налеш. Заказчикше- Марий Элысе капитально чоҥымаш виктемын дирекцийже. Мебельым 15-ше сентябрь деч ончыч огыл, но 30-шо ноябрь деч вара огыл кондышаш улыт. Перинатал рӱдер пӱкеным, ӱстелым, медицина шкафым, креслым, кушеткым, тумбым, ширмым, ӱзгарлан изи ӱстелым, шӧрлыкан мебельым, мойкым налеш. Кугыжаныш контракт почеш оксам федерал да республикын бюджетше ойырат.