Шереметев замок деке паром кошташ тӱҥалеш
Шереметев замок деке паром кошташ тӱҥалеш. Юрино посёлкышто паром переправа лиеш. Теҥгече серыш паром толын шогалын. Тудо Юриныш причалым чоҥаш краным конден. План почеш паром Юл гоч пассажирым да грузым Курык марий районысо Сумки ял марте шупшыкташ тӱҥалеш. Юрино ден Сумки коклаште туралан шотлаш гын, кужытшо ныл меҥгыш погына. Паром верысе калыкым, турист- влакым да транзит грузым коштыкташ палемдалтеш. Кызыт паром деке корно ышталтеш. Шукерте огыл Марий Элым вуйлатышын эртарыме совещанийыште палемдыме ыле: визымше июль марте 16 меҥге утла кужытан Марьино-Юрино корным ончылгоч тӧрлен шуктат.