Чодыра гыч лекташ куштылгырак лиеш

                    Республикыштына «Стрелки-выход из леса» проект тӱҥалтышым налын. Тиде- чодыраште еҥ- влакын лиймышт годым лӱдыкшыдымылыкым кугемдыше проект. Калык утларак йоммо верласе чодыра йолгорнышто, межа корнышто волгалтше указатель- влакым вераҥдат. Тудо куштырак улмым рашемдаш да утарыше- влаклан кушто улмым каласаш полша. Тыгай указательым эше 2009-ше ийыште Ленинград областьыште вераҥдылаш тӱҥалыныт, ынде Марий Элыште шыҥдаралтеш. Корнывожлаште тыгай пале чодыра гыч вашкерак лекме корным ончыкта да тушто идентификаций номерым возымо. Тудым утарыше- влаклан каласыман. Икымше 14 указательым «Марий Чодыра» калыкле парк йыр вераҥдыме. Утарыше служба тиде верым калыкын утларак йоммо вер семын ончыктен. А парк кӧргышто турист ден каныше- влаклан посна навигаций уло. Стрелке- влакым парк чек гыч лекме верлаште пижыктыме. Тений тыгай пале- влакым Суслонгер, Силикатный посёлкыла, Кучко да Шап ялла кундемыште вераҥдаш палемдыме.