Чер эше ик еҥым наҥгайыш
Редакцийышкына ойган увер пурен. 63 ийыш лишеммеке, теҥгече палыме шанчыеҥ, журналист, кугыжаныш деятель Олег Николаевич Тихонов илыш дене чеверласен. Тудын талантше ятыр шӧрынан лийын, тӱрлӧ пашаште шке келге кышажым коден. Олег Николаевич Марий радио ден телевиденийыште редактор да вӱдышылан тыршен, кугурак преподаватель деч Марий университетын финно-угроведений институтшын директоржо марте корным эртен, МАССР Верховный Советын депутатшылан сайлалтын, Кугыжаныш Погынын секретариатшым вуйлатен, Республикысе Правительстве вуйлатышын алмаштышыже лийын. Олег Тихоновым палыше- влак тудын тыматле койыш-шоктышан, шотан, кӱкшӧ профессионализман улмыжым, пашажым ответственно шуктышо еҥ семын палемдат. Марий радио ден телевиденийын коллективше Олег Николаевичын родо-тукымжо, лишыл еҥже- влаклан шке чаманымашыжым каласа. Тудын нерген шарнымаш мемнан шӱмыштына илаш тӱҥалеш. Олег Тихонов дене чеверласымаш эрла 9 шагатат 30 минутлан Йошкар-Оласе пытартыш корныш ужатыме верыште лиеш.