Медведевыште у школ 2022-шо ийын икымше сентябрьыште почылтеш

                   Медведевыште у школ 2022-шо ийын икымше сентябрьыште почылтеш. План почеш тудым шушаш ийын декабрьлан ыштен шуктышаш улыт ыле. Но Марий Элым вуйлатыше чоҥымо пашам да  тичмаш ямдылымашым шушаш ийын икымше сентябрьлан ыштен шукташ кӱштен. Тидын нерген Александр Евстифеев Медведево районыш паша дене мийымыж годым каласен. 2017-ше ий гыч тӱҥалын республикым вуйлатыше шинчымашым налаш садик гыч тӱҥалын, вузыш тунемаш пураш йӧным ыштыме марте кугу тӱткышым ойыра. Ола воктенсе шуко калык илыман посёлкышто 825 верлан школым чоҥымаш, моло школлаште йоча- влакым шагалемдаш полша. Объектын тӱшка акше 530 миллион теҥгем эрта. Медведево ПМК-м вуйлатыше Юрий Весенёвын мутшо почеш, объект чолган чоҥалтеш. Тудым ондакыракат шукташ лиеш, но мебель ден оборудованийым налаш лимитым график почеш вес ийлан палемдыме. Марий Элым вуйлатыше вуйын шогышо- влаклан технический оснащений жапым вес жапыш кусарыме йодышым ончен лекташ кӱштен, тек йоча- влак тунемме ий тӱналтыш гыч у школышто тунемаш тӱҥалыт. Марий Элым вуйлатыше ончыкыжымат республикыште школым чоҥаш кӱлеш манын палемден.