Звенигово олаште кок кинозалым ыштат
Звенигово олаште кызытсе жаплан келшыше кок кинозалым ыштат. «Тӱвыра» калыкле проектым шыҥдарыме кышкарыште кино фонд 500 тӱжем еҥ марте илыман илемласе кинозал- влакым модернизироватлыме конкурсын лектышыжым иктешлен. Кок миллионат 800 тӱжем теҥгем иземдыме ответственностян «Дискавери» ушем налеш. Тудо Звенигово олаште верланыше кок кинозалым кызытсе жаплан келшыше цифран оборудований дене пойдара. Уэмдыме программе почеш элысе 53 регион гыч 122 кинозаллан полыш пуалтеш. Тыге, кином ончыктымо кызытсе жаплан келшыше цифран йӧн дене элысе ик миллионат пеле еҥ пайдаланен кертеш.