Марий Элым вуйлатыше икмыняр илемыште вӱдым ситараш Правительствын резерв фондшо гыч оксам ойыраш ик сутка жапым пуэн
Марий Элым вуйлатыше Республикысе икмыняр илемыште чарныде вӱдым ситараш Правительствын резерв фондшо гыч оксам ойырымо йодышым виктарен колташ ик сутка жапым пуэн. Тиддеч посна вуйлатыше палемден: шокшо игече чодыраште да илемлаштат тул пижын кертме, вӱдыш пурен кайыме лӱдыкшым кугемда. Правительстве председательын алмаштышыже Степан Воронцов увертарен: кодшо арнян икмыняр ялыште южын температурыжо виш верлаште 50 градус марте ырен. Пытартыш жапыште 8 чодыра пожар лийын, нуным вашке йӧртымӧ. Ялласе пожарыште кум еҥ ӱмыр лугыч лийын. Тыгак вӱдыштӧ экшык утларак палдырнен: куд еҥ вӱдыш пурен каен, иктыже вич ияш йоча улмаш. Марий Элым вуйлатыше каласен: тыгай эҥгек лийын гын, организационный пашаште ситыдымаш уло. Сандене район администрацийлам вуйлатыше- влак тиде пашаш чолганрак ушнышаш да кажне случайым шымлен лекшаш улыт.
Правительстве председательын икымше алмаштышыже Александр Сальников южо районышто вӱдым ситарымаште лекше нелылык нерген ойлен. Могай яллаште вӱд уке да кушто ок сите, спискым ыштыме, полышым ямдылыме. Вӱдым конден шогат. Сандене ме ешартыш скважиным буритлаш резерв фонд гыч оксам ойыраш йодына. Тидын дене пожар лӱдыкшат кылдалтын. Кызыт Волжский районысо ныл ял, Килемар да Шернур посёлкыла дене пашам ыштена. Мутат уке, тиде йодыш пакчаште утларак вӱдым шавыме дене лектын. Но тудат кӱлешан паша. Вес ийлан нине илемлаште вӱд кӱлеш наре ситен шогышаш. Александр Евстифеев резерв фонд гыч оксам ойырымо йодышым ик суткаште виктарен колташ кӱштен. Вӱд чарныде йӱашат, шавашат ситыже. Степан Воронцов ешарен: 5-ше июль марте пожар ваштареш шогымо посна режим пашам ышта, игечым шотыш налын, тудым умбакыжат шуяш кӱлеш. Тыгак «Вӱдыштӧ лӱдыкшыдымылык месячник» тӱҥалеш. Тидыже профилактике пашам вияҥден колташ йодеш.
Глава рашемден: тул пижын кертме лӱдыкшо режимым шуйымаш калыкын ответственностьшо дечат шога. Нуно тыштат- туштат тулым ылыжташ да лӱдыкшым лукташ огыт тӱҥал гын, режимым шуяш ок кӱл, а огыт умыло гын, шуйыде ок лий.
Правительстве председательын икымше алмаштышыже Александр Сальников южо районышто вӱдым ситарымаште лекше нелылык нерген ойлен. Могай яллаште вӱд уке да кушто ок сите, спискым ыштыме, полышым ямдылыме. Вӱдым конден шогат. Сандене ме ешартыш скважиным буритлаш резерв фонд гыч оксам ойыраш йодына. Тидын дене пожар лӱдыкшат кылдалтын. Кызыт Волжский районысо ныл ял, Килемар да Шернур посёлкыла дене пашам ыштена. Мутат уке, тиде йодыш пакчаште утларак вӱдым шавыме дене лектын. Но тудат кӱлешан паша. Вес ийлан нине илемлаште вӱд кӱлеш наре ситен шогышаш. Александр Евстифеев резерв фонд гыч оксам ойырымо йодышым ик суткаште виктарен колташ кӱштен. Вӱд чарныде йӱашат, шавашат ситыже. Степан Воронцов ешарен: 5-ше июль марте пожар ваштареш шогымо посна режим пашам ышта, игечым шотыш налын, тудым умбакыжат шуяш кӱлеш. Тыгак «Вӱдыштӧ лӱдыкшыдымылык месячник» тӱҥалеш. Тидыже профилактике пашам вияҥден колташ йодеш.
Глава рашемден: тул пижын кертме лӱдыкшо режимым шуйымаш калыкын ответственностьшо дечат шога. Нуно тыштат- туштат тулым ылыжташ да лӱдыкшым лукташ огыт тӱҥал гын, режимым шуяш ок кӱл, а огыт умыло гын, шуйыде ок лий.