Троллейбус- влак корныштым вашталтат

                   Йошкар-Олаште 7-ше ден 2-шо номеран троллейбус- влак коштмо корныштым вашталтат. Икымше июль гыч Мир урем ден Киров урем корнывожышто олмыктымо пашалан кӧра, нине троллейбус- влак вес семын кошташ тӱҥалыт. Кокымшо номеран троллейбус 9-ше микрорайон гыч толеш да Воин Интернационалист- влак урем дене Киров уремыш лектеш, Ленин проспект гыч Карл Либкнехт уремыш пура, Мир урем дене Лебедев урем марте кая, Ленин проспект дене толеш да Киров уремыш пура, Воин Интернационалист- влак уремыш савырна да 9-ше микрорайоныш кая. 7-ше номеран троллейбус Шыл комбинат деч толеш да Ленин проспект дене Лебедев урем декыла кая, Сталинград кредалмашын Геройжо- влак, Мир, Лебедев уремла гоч Ленин проспектыш лектеш, тушеч Киров уремыш пура, Воин Интернационалист- влак урем дене Петров уремыш лектеш да маршрутшо дене шыл комбинат деке кая.