Кок еҥ «Российын спорт мастерже» чап лӱмым налын
Республикысе спортсмен- влаклан «Российын спорт мастерже» лӱмым пуымо. Кодшо кечылаште Российын спорт министрже Олег Матыцин тиде чап лӱмым пуымо шотышто приказеш кидшым пыштен. Кӱкшӧ лӱмым силовой троеборье але пауэрлифтинг дене кылым кучышо спортсмен- влаклан пуымо. Тиде -Андрей Охотников ден Анастасия Полтаева улыт. Пауэрлифтинг Йошкар-Олаште гына огыл, ятыр районыштат вияҥеш. Республикын Чемпионат ден Первенствылаштыже идалык еда 100 утла участник погына. Команде- влак Медведево, Оршанке, Параньга, У Торъял, Шернур, Звенигово, Волжский да Курык марий районла гыч толыт.