Шернур-У Торъял корно уэмеш

                  Марий Элыште Шернур- У Торъял автомобиль корнын 25 меҥге кужыт ужашыжым олмыкташ палемдыме. Тиде пашам шукташ Кугыжаныш закупко сайтыште йодмашым вераҥдыме. Заказчик семын «Марийскавтодор» организаций лектын. Документыште ончыктымо: пашам 2023-шо ий 29-ше сентябрь марте шуктышаш улыт. Контрактын тӱҥалтыш акше 294 миллион теҥгем эрта. Шийвундо республикын казнаж гыч ойыралтеш. Корнын кужытшо 25 меҥге утла погына, кумдыкшо ныл метр наре гыч тӱҥалын 8 метр утлаш шуэш. Пашазе- влак корно тӱрыш ошман грунтым ешарат, откосым ыштат, тошто асфальтым кораҥдат, у асфальтым шарат, автобус чарныме вер- влакым олмыктат, бордюр кӱым вашталтат.
               "Марийская правда" газетын фотожо.