Яллаште вӱдым ситараш тӱҥалыт

                    Республикысе кандаш илемыште у скважине ден резевуарым чоҥаш оксам ойырымо да проектироватлыме пашам мучашлыме. Медведево районысо Новый посёлкышто 500 кубический метр вӱдлан ситыше кӱртньӧ бетон резервуарым чоҥымо лиеш. У скважине- влак тыгак Морко районысо Осипсолаште, Килемар районысо Алатайкино, Шернур посёлкышто, Волжский районысо Черкысолаште, Купсолаште, Пӧтъялыште да Памарыште лийыт. Нине объектым чоҥаш правительствын резерв фондшо гыч оксам ситарыме йодышым Республикым вуйлатыше Александр Евстифеевын эртарыме  совещанийыште каҥашыме. Калыклан вӱдым ситарыме да йоктарен колтымо йодыш нерген ойлымо годым Марий Элым вуйлатыше палемден: ондак  муниципал образованийлам вуйлатыше-шамыч деч йодмаш- влакым погымо ыле. Нунын негызеш у скважиным да резервуарым чоҥашлан перечньым ыштыме. Калыклан эн ончычак йӱшаш вӱдым ситарыман да пакчаш шавышаш вӱдат эре лийшаш. Ондак ме тиде йодышым каҥашаш тӱҥалынна ыле. Ынде вигак мом ыштышашым каҥашена, молан  манаш гын, проект пашам мучашлыме.
                    Правительстве председательын икымше алмаштышыже Александр Сальников увертарен: кажне объектлан сметым ыштыме. Буритлышаш чыла скважиныже типовой улыт. Нуным вераҥдышаш олмымат ончылгоч рашемдыме. Нуным улшо вӱд пуч дене ушаш лийме йӧнымат ончымо. Технически йодыш раш да ышташ лийшашлык,- каласен Александр Сальников.

Прошлые выпуски