«Марий Элыште талукын экспортёржо» конкурсышто сеҥыше- влакым саламлыме

                 Кодшо кечылаште Тӱнямбал коопераций да экспорт аланыште республике кӱкшытан «Марий Элыште талукын экспортёржо» конкурсышто сеҥыше- влакым саламлыме. Наградым сеҥыше- влаклан промышленность, экономически вияҥмаш да торговля министр Станислав Крылов кучыктен. Конкурсым «Марий Элысе инвестицийым да экспортым вияҥдыме агентство» изи да кыдалаш предпринимательство деке пурышо организаций да посна амалкалче- влак коклаште эртарен. Нуно ямде сатум, пашам, полышым экспортыш колтымаште утларак кӱкшытыш шуыныт., «Промышленностьышто, агропромышленный комплексыште, кӱкшӧ технологий аланыште, полыш аланыште талукын экспортёржо, Талукын трейдерже да Талукышто ончыко лекше номинацийлаште таҥасеныт. Конкурсын лектышыже почеш сеҥышын дипломжым мланде шӱй дене пашам ыштыше коҥгам, мангалым да моло сатум лукшо «Веста», иван чайым лукшо «Чай Руси», газ хроматограф  да моло тергыме да висыме оборудований дене пашам ыштыше «Мета-хром» НПФ», США да Европа элласе заказчик- влаклан программым ыштыше «Омега-Софт», оборудованийын дистрибьютерже «Росхолод-Импэкс», кӱртньӧ да пӧлем кокласе омсам йот элыш колтышо «Гудвилл» ушем-влак налыныт. Нунылан экспортыш колтымо элын йылмыжым тунемаш, презентацийлан тунемаш, пайдалын ужалкалаш, деловой мутланымашым эртараш, интернетыште шарыме йӧнлан тунемаш сертификатым пуымо. Нуно ынде конкурсын округысо йыжыҥыштыже шкеныштым ончыктен кертыт.
                    Чонымаш министерствын фотожо.