Йошкар-Олаште йӱштылаш чарыме верлашке рейдым эртареныт

                  Йошкар-Олаште йӱштылаш чарыме верлашке рейдым эртареныт. Вӱдыштӧ калыкын лӱдыкшыдымылыкшӧ йодыш йӱштылмӧ тургым годым поснак пӱсын шога. Граждан оборона комитетын еҥже- влак оласе аварийно-утарыше служба да полицейский-влак дене пырля Чихайдарово котлован кундемыш миеныт. Тушто йӱштылаш ок лий манме палым вераҥдыме. Но тудо калыкым ок чаре, тушто вӱдыш пурен кайыше лийын гынат калыкым ок ӧрыктаре. Рейд жапыштат тушто йӱштылшӧ- влак лийыныт. Нунылан протоколым возымо. Тыгак комитетын еҥже- влак умылтарыме пашам эртареныт. Лӱмын ыштыме пляж деч ӧрдыжтӧ йӱштылмаш эре лӱдыкшым луктеш. Вӱд пундаш тӧр огыл, утарыше- влак уке улыт, вӱдйымал йогын лийын кертеш. Тергыме площадке кумыт гына. Тиде- «Кечывалвел» пляж, вантовый кӱвар воктелсе да Нолько посёлко кундемысе каныме вер- влак.

Прошлые выпуски