Йошкар-Олаште воин-десантник- влаклан курымаш шарныктышым ыштат

                       Йошкар-Олаште воин-десантник- влаклан курымаш шарныктышым ыштат. Тений Российысе юж десант войскам ыштымылан 91 ий темеш. Элнан историйыштыже российысе да совет десантник- влакын кугешнымашым лукшо подвигышт шагал огыл. Президент Владимир Путинын  десантник- влакым шарнымашаш кодаш кӱштымӧ Указшым шуктымо семын Марий Элыште Псковысо дививзийын 6-шо ротыжын боецше- влакым шарныме Аллейым тӱзландарымаш умбакыже шуйна. 2017-ше ий 2-шо августышто Сеҥымаш бульварыште 6-шо ротын командирже, Российын Геройжо Марк Евтюхинын чапкӱ-бюстшым почмо ыле. Тудын воктене идалык еда шарнымашан мероприятий- влак эртаралтыт. Марк Евтюхин Йошкар-Олаште шочын, ынде кокымшо августлан ветеран организацийын темлымыж почеш, тудын пелен стройыш геройлыкым ончыктышо боецше- влакат шогалыт. Вуйым пыштыше 84 воин- десантниклан Сеҥымаш бульварысе Шарнымаш Аллейыште фотосӱретан да уверым возыман 42 стойко вераҥдалтеш. Тиддеч посна ВДВ кечылан воин-десантник- влакын скверыштышт Кугу Сар гыч тӱҥалын Чечня да моло верысе сар марте Республикыште шочшо да вуйым пыштыше- влакым шарныкташ 25 стойко лийшаш. Тиде правительствын да ола администрацийын полшымо дене ыштыме кугу проект, - каласен десантник- влак ушемым вуйлатыше Марсель Фаткуллин.