Марий Элым вуйлатыше республикысе калыкым ковид деч вакцинироватлалташ да примерым ончыкташ ӱжын
Марий Элым вуйлатыше республикысе калыкым ковид деч вакцинироватлалташ да шке, лишыл еҥ- влак нерген тургыжланыме чапле примерым ончыкташ ӱжын. Правительствын заседанийыштыже вакцинацийын кузе кайымыж нергенат ойлымо. Пытартыш жапыште моло кундемысе семынак мемнан денат эпидемиологий ситуаций начарештын. Сандене койко фондым ешарыме а тӱжемат 465-ыш шуктымо. Пациент- влакын 60 процентше кислород полышым йодеш, Эмлаш пыштыме еҥ кокла гыч 43 процентше ИВЛ дене пайдалана.
Тазалыкаралтыш министр Марина Панькован мутшо почеш, икымше июльлан республикыш 95 тӱжемат 800 утла дозо вакциным кондымо, эше черетан партий толшаш. Икмыше компонентше дене 86 тӱжем утла еҥ прививкым ыштыктен, кокытшо дене- 61 тӱжем наре еҥ. Вакцинацийын планжым 27 процентлан шуктымо. Министр ешарен: прививкым ыштыктыме деч вара ПЦР тест положительный лектышым ок ончыкто. Тидыже организамын иммунитетым ешарымыж нерген ойла. Марий Элым вуйлатыше ушештарен: черланен, эмлалт лекмеке, куд тылзе гына вакцине деч посна кошташ лиеш, а вара прививкым ыштыктыман. Российын президентше шке примерже дене вакцинироватлалташ кӱлешым ончыктен. Медицина пашаеҥ- влакат тыгай примерым ончыктышаш улыт. Южо регионышто локдаун семын чарымаш пурталтеш. Ме тыгайыш ынена шу. Сандене регионым вуйлатыше муниципал образованийлам вуйлатыше- влак деч калыклан вакцинацийым ыштыме шотышто раш отчётым пуаш кӱштен. Кок тылзе гыч школлаште тунемше- влакын канышышт пыта. Республикын правительствыже Роспотребнадзор виктемыш туныктышо пашаеҥ- влакым обязательно вакцинироватлаш кӱлеш манын йодмашым колтен.
Прививке кампаний ял озанлык предприятий пашаеҥ- влак коклаштат кая. Тидын нерген ял озанлык министр Андрей Кондратенко ойлен. Агропромышленный комплексыште 19 тӱжем наре еҥ тырша. Нунын кокла гыч тӱжемат 800 еҥже прививкым ыштыктен. Тидыже 9 процентат пеле лиеш. Пищевой промышленностьышто 9 %, перерабатыватлыше промышленностьышто 6 % пашаеҥлан ыштыме. Республикым вуйлатыше тиде отрасльыште вакцинаций темпым кугемден колташ кӱлеш манын.
Йошкар-Олаште кампанийын кузе кайымыж нерген мэр Евгений Маслов увертарен. Обязательный вакцинацийым 132 тӱжем утла еҥ эртышаш, у тунемме ийым лӱдыкшӧ деч посна тӱҥалаш да тӱшка тӱвыра полышым пуаш кок тӱжем утла еҥ прививкым ыштыктышаш. Тургыжланымашым изи бизнес да амалкалче- влак луктыт. Противоэпидемиологий йодмашым кузе шуктымым тергыме рейд- влак эртаралтыт. Республикым вуйлатыше министерствым, муниципал образованийлам, озанлык субъектлам вуйлатыше- шамычым вакцинацийым эрташ да калыклан сай примерым ончыкташ ӱжын ойлен.
Тазалыкаралтыш министр Марина Панькован мутшо почеш, икымше июльлан республикыш 95 тӱжемат 800 утла дозо вакциным кондымо, эше черетан партий толшаш. Икмыше компонентше дене 86 тӱжем утла еҥ прививкым ыштыктен, кокытшо дене- 61 тӱжем наре еҥ. Вакцинацийын планжым 27 процентлан шуктымо. Министр ешарен: прививкым ыштыктыме деч вара ПЦР тест положительный лектышым ок ончыкто. Тидыже организамын иммунитетым ешарымыж нерген ойла. Марий Элым вуйлатыше ушештарен: черланен, эмлалт лекмеке, куд тылзе гына вакцине деч посна кошташ лиеш, а вара прививкым ыштыктыман. Российын президентше шке примерже дене вакцинироватлалташ кӱлешым ончыктен. Медицина пашаеҥ- влакат тыгай примерым ончыктышаш улыт. Южо регионышто локдаун семын чарымаш пурталтеш. Ме тыгайыш ынена шу. Сандене регионым вуйлатыше муниципал образованийлам вуйлатыше- влак деч калыклан вакцинацийым ыштыме шотышто раш отчётым пуаш кӱштен. Кок тылзе гыч школлаште тунемше- влакын канышышт пыта. Республикын правительствыже Роспотребнадзор виктемыш туныктышо пашаеҥ- влакым обязательно вакцинироватлаш кӱлеш манын йодмашым колтен.
Прививке кампаний ял озанлык предприятий пашаеҥ- влак коклаштат кая. Тидын нерген ял озанлык министр Андрей Кондратенко ойлен. Агропромышленный комплексыште 19 тӱжем наре еҥ тырша. Нунын кокла гыч тӱжемат 800 еҥже прививкым ыштыктен. Тидыже 9 процентат пеле лиеш. Пищевой промышленностьышто 9 %, перерабатыватлыше промышленностьышто 6 % пашаеҥлан ыштыме. Республикым вуйлатыше тиде отрасльыште вакцинаций темпым кугемден колташ кӱлеш манын.
Йошкар-Олаште кампанийын кузе кайымыж нерген мэр Евгений Маслов увертарен. Обязательный вакцинацийым 132 тӱжем утла еҥ эртышаш, у тунемме ийым лӱдыкшӧ деч посна тӱҥалаш да тӱшка тӱвыра полышым пуаш кок тӱжем утла еҥ прививкым ыштыктышаш. Тургыжланымашым изи бизнес да амалкалче- влак луктыт. Противоэпидемиологий йодмашым кузе шуктымым тергыме рейд- влак эртаралтыт. Республикым вуйлатыше министерствым, муниципал образованийлам, озанлык субъектлам вуйлатыше- шамычым вакцинацийым эрташ да калыклан сай примерым ончыкташ ӱжын ойлен.