«Шӱштӧ мече» таҥасымашыштын республикысе йыжыҥже эртен

                    Самырык футболист- влакын Россий кӱкшытан «Шӱштӧ мече» таҥасымашыштын республикысе йыжыҥже эртен. Тушто сеҥыше- влак рашемыныт. Таҥасымаш ийгот шотышто кум тӱшкаште эртаралтын: 13-14, 11-12, 9-10 ияш- влак коклаште. 14-15-ше июньышто изирак-влак таҥасеныт. Куд районын командыже сентябрьыште Ессентуки олашке Российысе таҥасымашке каяш путёвкым налшаш верч кучедалын.  Красногрский посёлко гыч «Восход» команде шкенжым эн сайын ончыктен. Медведево гыч «Витязь» ден Волжск гыч «Волжск» команде кокымшо ден кумшо верым налыныт. 21-ше 22-шо июньышто 11-12 ияш- влак, 28-29-ше июньышто 13-14 ияш- влак модыныт. Кок тӱшкаштыжат сеҥышыш Волжск олан командыже лектын. Кыдалаш тӱшкаште кокымшо да кумшо верым Килемар гыч «Русь» ден Красногорск гыч «Восход» налыныт. Кугурак- влакын тӱшкаштышт кокымшо Шернур, кумшо Звенигово гыч «Жемчужина» лийыныт. Тыге кыдалаш тӱшкан рвезыже-влак финалыш Волгоградыш, кугурак- влакын рвезышт Евпаторийыш кайышаш улыт.
Фото: https://potokmedia.ru/

Прошлые выпуски