Республикысе ужалкалыше организаций- влак дене пашаче вашлиймаш

                   Республикысе ужалкалыше организаций- влак дене пашаче вашлиймаш. Теҥгече экономически вияҥмаш министерствыште промышленность министр Станислав Крылов Роспотребнадзор виктемын, тазалыкаралтыш министерствын еҥышт дене пырля кундемысе кугу 16 ужалкалыше организацийын представительышт дене вашлиймашым эртарен. Мероприятийыште коронавирус черлан кӧра пуртымо чарымаш- влакым  да утларак ямде улмо режимым 9-ше август марте шуйымо йодышым каҥашыме. Бизнесын еҥже- влаклан ушештарыме: роспотребнадзорын чыла предписанийжым шуктен шогыман: температурым паша деч ончыч да паша деч вара висыман, еҥ- влакын тӱкнымӧ чыла верым дезинфицироватлыман, пашаеҥ- влак маскым да перчаткым чийышаш улыт, дезинфицироватлыше средстве лийшаш, социал дистанцийым эскерыман да южлан рециркуляторым кучылтман. Коронавирус шукемме жапыште кевыт- влак черым шаркалыше лийшаш огытыл. Тыгай йодмашым шуктымо годым гына, кевыт- влак вес чарымаш деч посна пашам ыштен кертыт. Тыгак сатучо- влакым вакцинироватлыме йодышым нӧлталме.
Фото: https://www.marpravda.ru/