Шӱдӧ утла у военно-мемориал объектым рашемдыме

                Марий Элыште шӱдӧ утла у военно-мемориал объектым рашемдыме. Евсеев лӱмеш калыкле тоштерын историй да шанче архив пӧлкажын пашаеҥже- влак Кугу ачамланде сар да моло конфликтлан пӧлеклалтше военно- мемориал объект- влакым терген лектыныт. Экспедиций Оршанке, Советский да У Торъял районлаште эртен. Шымлыше- влак улшо уверым пеҥгыдемдышаш, фотом ыштышаш, Джи-пи-с координатшым рашемдышаш да у объектым пален налшаш улыт ыле. Сотрудник- влак обелискым, мемориал комплексым, чапкӱм, стелым, мемориал плитам, мемориал оҥам, сарын, верласе конфликтлан участникше, Чернобыльыште лийше, службым наҥгайыме годым вуйым пыштыше веннослужащий- влакым тойымо верым шымленыт. Тыге, Советский районышто 33 объектым рашемдыме, тушечын лужо у улыт, Оршанке районышто- 30, иктыже- у, У Торъялыште – 115, 55-ытше у объект улыт.