Шӱм черан- влак яра эм дене пайдаланен кертыт

               Шӱм черан- влак яра эм дене пайдаланен кертыт. «Шӱм да вӱргорно чер дене кучедалмаш» регионысо проект кышкарыште Марий Эл шӱм черан- влаклан идалык мучко эмым налаш федерал субсидийым налын. Тазалыкаралтыш министерствыште каласыме почеш, тенийсе кокымшо кварталыште шӱм да вӱргорно чер дене кум тӱжемат 486 еҥ орланен. Нунын кокла гыч тӱжемат 500 утлаже диспансер учетышто шога. Черым ончылгоч шижтараш манын регионыш 70 миллион наре теҥге оксам колтымо. Налшаш эм- влак радамыш шергакан- влакат пуреныт. Программе кышкарыште тӱжемат 700 утла льготниклан 14 тӱжемат 200 утла рецепт почеш эмым колтымо. Колтымо препарат- влакын кокла акышт 8 тӱжем наре теҥгеш шуэш.
Фото:   yanzori.rbsmi.ru