Тӱвыра министр Константин Иванов Морко районыш миен

                    Константин Иванов Моркысо йоча сымыктыш школым кузе капитально  олмыктымым терген лектын. Тӱвыра министр Константин Иванов Морко районыш миен. Сымыктыш школышто олмыктымо паша «Тӱвыра» калыкле проект кышкарыште шукталтеш. Тиде пашалан 8 миллионат 600 тӱжем теҥгем ойырымо. Районысо тӱвыра пӧлкам вуйлатыше Юлия Яковлева теве  мом увертарен: шиферан леведышым профнастил дене вашталтат, пӧртончылым олмыктат, окна ден омсам вашталтат, пырдыжым да тувырашым уэмдат да шуко молат. Кызытеш 19 процент наре пашам шуктымо. Тиддеч посна ырыктыме системым да пожар сигнализацийым капитально олмыктат. Константин Иванов пӧлем-влакым, класслам, актовый залым ончен лектын. Тудо тыге аклен: пашаштте ятыр еҥын тыршымыже да шуктымо качество куандара. Чыла жапыштыже шуктыман да 20-шо август марте пашам мучашлыман. Икымше сентябрьыште тунемше- влак чапле школыш толыт манын ӱшанем. Тений чылаже ныл йоча смыктыш школ олмыкталтеш. Моркысо школым 1958-ше ийыште почмо. Тушто фортепиано, струнно-смычковый, калык, куштымаш да сӱретлыме пӧлкалаште туныктат.
Фото: https://www.marpravda.ru/