У тунемме ийлан школ- влакым приниматлаш тӱҥалме

                Марий Элыште у тунемме ийлан школ- влакым приниматлаш тӱҥалме. Тиде пашам Йошкар-Оласе тергыме да профилактике пашам виктарыше пӧлкан сотрудникше- влак шуктат. Профилактике тергымашын задачыже- пожар лӱдыкшыдымылык йодмашым пудыртымашым рашемдымаш да шижтарымаш улеш. Тымарте вич тунемме тӧнежым шымлен лекме. А чылаже 58 уло. МЧС виктемын увертарымыж почеш, специалист- влак эвакуаций корным , электрооборудованийын могай улмыштым ончат, тул йӧртымӧ узгар- влакын ситымыштым, тул ваштареш кӧргыштат, тӱжвалнат вӱдым ситарымашым, школ кумдыкым кузе кучымым тергат. Кугу тӱткыш сигнализаций, увертарыше системе, калыкым кузе лукмо йодышлан ойыралтеш.
Фото: https://12.mchs.gov.ru/