Таче - Еш, йӧратымаш да ӱшанле улмо кече

                 Таче Элыштына Еш, йӧратымаш да ӱшанле улмо кече палемдалтеш. Тиде пайрем дене республикысе калыкым Марий Элым вуйлатыше Александр Евстифеев саламла. Тиде шнуй- влак: князь Пётр ден пелашыже княгина Феврониям шарныме лӱмыш палемдыме чапле пайрем элысе калыкын шӱмыштыжӧ шке вержым муын. Молан манаш гын, тудо ешын кӱлешлыкшым да пиалым чапландара. Кеч-могай жапыштат еш  айдемылан негыз, илыш вийым, куаным да кумылым  пуышо лийын шога, виян кугыжанышын негызше улеш. Элнан президентшат ешын интересшым,  икшывым ыштымым да йоча жапым аралымылан кугу тӱткышым ойыра. Тудын тӱҥалтышыж почеш кундемлаште калыкле проект- влак шыҥдаралтыт, икшыван еш- влаклан кугу полыш пуалтеш. Марий Элыште пытартыш кум ийыште 14 йоча садым почмо. Тушто кок тӱжемат 800 йочалан верым ыштыме. 2017-ше ий гыч Курык марий, Волжский, Параньга районлаште Йошкар-Олаште да Волжскышто школ- влакым чоҥымо. Кызыт ныл йоча сад да кок школ чоҥалтеш. Козьмодемьянскыште поликлинике почылтын, Йошкар-Олаште да Волжскышто перинатал рӱдер чоҥалтеш. Првительствын пашаштыже тӱҥ корнылан калыклан социал полышым пуымаш шотлалтеш. Чыла тидыже йочам шукырак шочыкташ да ешым пеҥгыдемдаш йӧным ышта. Чылалан пеҥгыде тазалыкым, пиалым, улан илышым да еш ласкалыкым тыланем, - ойлалтеш республикым вуйлатышын саламлымашыштыже.