Изи азалан Ковид диагнозым шындыме

            Марий Элыште ик ийыш шудымо йочан коронавирус инфекцийжым пеҥгыдемдыме. Теҥгече чылаже 57 еҥын чержым пеҥгыдемден ончыктымо, 42 еҥым эмлыме верыш пыштыме ик еҥже нелын черланышылан шотлалтеш. Чер пижмым Морко деч посна чыла районышто рашемдыме. Черланыше- влак коклаште 24 пӧръеҥ да 33 ӱдырамаш. Ийгот шот дене ончалаш гын, 65 ияш деч кугурак- влак 24-ын улыт, 50-64 ияш марте 17 еҥ, 30-49 ияш марте 12, 18-29 ияш коклаште 3 еҥ да ик ийыш шудымо ик аза. 30 еҥже пенсионер улыт, 15-ше пашазе, 4-ше служащий, иктыже медицина пашаеҥ.. Черле дене кылым кучышо да медицина велым эскерымаште кызыт кок тӱжемат 127 еҥ шотлалтеш, 438 еҥым учётыш шогалтыме, учёт гыч 309 еҥым кораҥдыме.
             Тачысе кечылан оперативный штаб тыгай цифрым ончыкта. Элна мучко 24 тӱжемат 800 утла еҥын чержым пеҥгыдемден ончыктымо, Марий Элыште- 57 еҥыным. Тидын годымак 21 тӱжемат 300 утла еҥым эмлыме вер гыч лукмо, мемнан дене 33 еҥым. Элыштына 734 еҥ ӱмыр лугыч лийын, республикыште 4 еҥ черым сеҥен кертын огыл. Чер шарлыме годсек Россий мучко 140 тӱжемат 775 еҥ колен гын, республикыштына 320 еҥ каен.