Суворов уремым олмыктымо, Эшкинин уремат мучашлалтеш

             Рӱдӧ олаштына калыкле проект почеш Суворов уремыште тротураым олмыктен пытарыме да нуным эксплуатацийыш налме. Тичмаш налмаште Герцен урем деч тӱҥалын Машиностроитель урем марте ик меҥге кужыт корно ужашым олмыктымо. Тушто «Регионысо верысе корно сеть» проект почеш асфальтым, бордюр кӱым вашталтыме, у разметкым ыштыме. Кызыт «Оласе йӧнан кумдыкым ышымаш» проект почеш йолын коштмо ужашлаште паша мучашлалтеш,- увертара ола администрацийын пресс-службыжо.
            А Эшкинин уремысе йолын коштмо верыште у асфальтым шарат. Тротуар- влакым тӱзландарымаш Йошкар-Олан «Илыме вер да оласе кумдык» калыкле проектыш ушнымыжлан кӧра лийын кертын. Тений Эшкинин урем кумдан уэмдалтеш. Транспорт коштмо корнышто вӱд йогымо верым ыштыме, у асфальтым шарыме. А йолешке- влаклан медицина тӧнежыш, кевытлаш да органищзацийлаш кошташ тротуарым уэмдат. Тиддеч посна корно пашаеҥ- влак икымше поликлиникыш намийыше корнымат олмыктат.
Фото: https://www.marpravda.ru/