Машиностроитель уремыште кок кече транспортлан кошташ чаралтеш
Машиностроитель уремыште кок кече транспортлан кошташ чаралтеш. 10-шо да 11-ше июльышто Машиностроитель уремын Черняков урем деч Строитель урем марте ужашыштыже олмыктымо паша кайымылан кӧра чыла транспортлан корно петыралтеш. Тидан кӧра 8-ше номеран троллейбусын маршрутшо вашталтеш. Петырыме верым эртен каяш манын, троллейбус Машиностроитель урем гыч Строитель уремыш савырна. Вара Йыван Кырла урем але Козьмодемьянск корно дене ончычсо ГАИ пост марте кая да Советский урем гыч Медведевыш пура. Мӧҥгешла Козьмодемьянск корно дене толеш, «Планета» кевыт воктеч эрта да Бауман уремыш савырна, вара Машиностроитель уремыш лектеш. Тыге каныш кечылаште 8-ше троллейбус дене каяш кӱлеш гын, тӱткӧ лийза.