Александр Евстифеев паша дене Волжский районыш миен
Александр Евстифеев паша дене Волжский районыш миен. Марий Элым вуйлатыше Волжский районышто скважиным буритлыме пашан кузе кайымыжым аклен да Яльчик ер марте олмыктымо корным ончен. Ер воектене верланыше МарГУ-н «Олимпиец» ден Юлтехын «Политехник» базыштышт тазалыкым пеҥгыдемдыше студент- влак Яльчик корным тренировкылан кучылтыт. Кызытат нуно ече роллер дене кудалыштыт. Нуно республикым вуйлатышылан корным пеш чаплын ыштыме манын каласеныт. Александр Евстифеев университетын ректоржо Михаил Швецовлан базыште корпус- влакым телымат кучылташ йӧршым ышташ темлен. Корнын кужытшо куд меҥге утла погына. Тудым август мучашлан ыштен шуктышаш улыт ыле гын, пашам15-ше июньыштак сдатлыме.
Республикым вуйлатыше тиддче посна Памар селашкат миен. Тушто вӱдлан у скважиным кӱнчымо пашам ончен. Кодшо арнян тиде пашалан правительствын резерв фондшо гыч 34 миллион теҥгем ойырымо ыле. Тушечын 12 миллионжо районысо ныл ялыште скважиным ышташ кая. Памарыште кӱнчаш тӱҥалме. Глава республикысе калыклан ару вӱдым чарныде ситарыме шотышто программым ышташ кӱштен. Кажне ялыште кок скважине лийшаш манын. Вӱд шапашыже кеҥежымат, телымат ситен шогышаш. Визитым мучашлышыла, Александр Евстифеев паша жапыштыже шукталтеш манын ӱшаным каласен да республикын пӱртӱс поянлык шотышто поснак ойыртемалтше улмыжым палемден. Тыште оласе да ялласе калыклан мланде йымалсе вӱдым ситараш лиеш, а моло кундемыште ер ден эҥерла гыч налыт манын.
Республикым вуйлатыше тиддче посна Памар селашкат миен. Тушто вӱдлан у скважиным кӱнчымо пашам ончен. Кодшо арнян тиде пашалан правительствын резерв фондшо гыч 34 миллион теҥгем ойырымо ыле. Тушечын 12 миллионжо районысо ныл ялыште скважиным ышташ кая. Памарыште кӱнчаш тӱҥалме. Глава республикысе калыклан ару вӱдым чарныде ситарыме шотышто программым ышташ кӱштен. Кажне ялыште кок скважине лийшаш манын. Вӱд шапашыже кеҥежымат, телымат ситен шогышаш. Визитым мучашлышыла, Александр Евстифеев паша жапыштыже шукталтеш манын ӱшаным каласен да республикын пӱртӱс поянлык шотышто поснак ойыртемалтше улмыжым палемден. Тыште оласе да ялласе калыклан мланде йымалсе вӱдым ситараш лиеш, а моло кундемыште ер ден эҥерла гыч налыт манын.