Смартфонет уло- переписьыш ушно

                Смартфонет уло- переписьыш ушно. Икымше смартфон 1994-ше ийыште шочын. 2012-шо ийлан миллиард наре еҥ тыгай телефон дене пайдаланен. Кызыт тӱнымбалне 8 миллиард наре еҥ ила. Тушечын пелыже наре гаджет дене пайдалана. Смартфон Российысе калыкым возен налмаштат полшен кертеш. 11-ше июльышто- идалык еда калыкын шарлыме тӱнямбал кече шотлалтеш. Тиде датым таклан огыл ойырен налме. Тиде кечын 1987-ше ийыште Мланде шарыште  вич миллиардымше еҥ шочын. ООН-ын прогнозшо почеш 2050-ше ийлан планетыште 9,7 миллиард еҥ лийшаш. Пандемийым шотыш налын ООН эл- влаклан переписьым дистанционно эртараш темлен, онлайн-переписьымат моктат. Тидыже интернетыште электрон анкетым шке возымашым ончыкта. Тыгай йӧным США, Великобританий да Китай кучылт онченыт. Российыште калыкым возен налмаш октябрьыште эрта. Тудо тӱнямбал организацийын темлымашыж дене келшен толеш. Цифран переписьыш ушнаш «Кугыжаныш полыш» порталыште учет запись, Андроид системан смартфон, планшет але компьютер, интернетыш пураш йӧн лийшаш. Электрон бланкым шкалан гына огыл, пелашлан, икшывылан, ача-аваланат возаш лиеш. Российысе перепись 1-ше гыч 31-ше октябрь марте цифран технологийым кучылтын эртаралтеш. Тудын у ойыртемже- еҥ- влак шкевуя электрон переписной листым кугыжаныш полыш порталыште возен кертыт.
Фото:  intex-press.by