Марий Элын командыже «КЭС-БАСКЕТ» школ баскетбол лигын Чемпионатшын суперфиналышкыже лектын

                Марий Элын командыже «КЭС-БАСКЕТ» школ баскетбол лигын Чемпионатшын суперфиналышкыже лектын. Йошкар-Олан ӱдыржӧ- влакын баскетбол командыже Юл кундем округын «КЭС-БАСКЕТ» чемпионатыштыже Марий Элын чапшым арален да шӧртньӧ медаль дене палемдалтын. Тыге супер финалыш путёвкым налын. Тудыжо 18-ше июль марте Киров олаште эрта. Шерева почеш иктешлыше чемпионатын группыжо- влакын составыштым рашемдыме. Мемнан команде «В» группыш логалын. Тушто тудо Красноярскын, Карелийысе Кондопоган да Забайкал крайын Калар районжын командышт дене модеш. Ончычсо кок тургымышто Суперфинал марте Йошкар-Ола гыч рвезе- влак гына шуыныт ыле. Кодшо тургымышто 26-шо гимназийын ӱдыржӧ- влак республикыште сеҥеныт, но Юл кундем округын финалыштыже суперфиналыш путёвкым налын ышт керт.
Фото: marimedia.ru