Тӱҥ федерал инспектор калык дене вашлийын

               Россий Президентын регионысо приёмныйыштыжо Марий Элысе тӱҥ федерал инспектор Павел Волков калыклан приёмым эртарен. Шке йодышышытым виктарен колташ полшаш кум еҥ толын. Нунын йодышыштым ончаш Йошкар-Ола администрацийын да Республикысе прокуратурын еҥышт толыныт. Йодыш- влак контейнер площадкын укелыкше, пеҥгыде шӱк-куштырам оптымо контейнерын ситыдымыже, рӱдӧ олаште шуко пачеран пӧртласе помещений- влакын озаштын погыштлан шотлалтше мланде участкым йоҥылыш кучылтмо дене кылдалтыныт. Чыла обращенийым приёмныйын контрольышкыжо налме, еҥ- влаклан кӱлеш умылтарымашым пуымо.
Фото: https://potokmedia.ru/