Российысе почта пашаеҥ- влак шке профессионал кечыштым палемденыт

                       Теҥгече Российысе почта пашаеҥ- влак шке профессионал кечыштым палемденыт. Федерал почто кылын Республикысе виктемжын пашаеҥже да ветеранже- влакым пайремышт дене Марий Элым вуйлатыше Александр Евстифеев саламлен. Почто кыл ик эн тошто гына огыл, а ик эн кумдан шарлыше кыл. Кече еда почтальон- влак шӱдӧ дене серышым да посылкым обрабатыватлат, ятыр финанс полышым пуат. Электрон коммуникаций ден у технологийын вияҥ толмыжым ончыде, почто пашаеҥ дене шинчаваш ужын мутлынымашым нимоат ок вашталте. Поснак тиде почто пӧлкаште полышым налаш тунемше илалше- влаклан кӱлеш. Кызыт «Российын Почтыжо» шке пашажым, полышыжын качествыжым саемден да уэмден толеш, кыл полышын у йӧнжӧ- влакым темла. Отрасль ончылно кугу задаче- влак шогат. Кажне сотрудник нуным решатлымашке шке надыржым пышта, тидыже регионын экономикыжым вияҥдаш полша. Тиде кӱлешан сферыште тыршыше чыла пашаеҥлан тазалыкым, пиалым, сеҥымаш- влакым тыланем, - ойлалтеш республикым вуйлатышын саламлымашыштыже.

Прошлые выпуски