Мобильный бригаде ялла игыч илалше- влакым эмлыме верыш шупшыкта

                 Республикыштына мобильный бригаде пел ийыште эмлыме верлашке 755 пенсионерым конден. Тенийсе январь гыч июнь марте яллаште илыше кугурак ийготан тынар еҥ тиде йӧн дене пайдаланен. Тыгай йӧн дене ялыште илыше 65 деч кугурак ийготан еҥ- влак пайдаланен кертыт. Яллашке бригаде график почеш списке дене келшышын коштеш. Еҥ- влакым эмлыме верыш яра кондат. Тушто нуно диспансризацийым, тергымашым, вакцинацийым эртен кертыт. Социал вияҥмаш министерствыште умылтарыме почеш, мобильный бригадылан кӧра кугурак тукымлан медицина полыш лишкырак лийын.
Фото: https://www.marpravda.ru/