Судитлалтше водитель- влаклан наказанийым пеҥгыдемдыме

               Судитлалтше водитель- влак йӱшӧ вуя руль воктеке шинчыт гын, пеҥгыдынрак наказатлалтыт. Теҥгечысе кече гыч Уголовный кодексыш тӧрлымашым пуртымо. Пеҥгыдынрак мутым кучаш кӧм шогалтат? Судитлалтше водитель- влак уэш йӱшӧ вуя машинам виктараш шинчыныт гын, ыштыме ДТП-штышт еҥ- влак коленыт але эмганеныт гын, нуно тиде законыш логалыт. Тидымат рашемдыме: теҥгечысе кече марте тиде нарушений дене логалыныт гын, Уголовный кодексын ончычсо статьяже почеш судитлалтыт. «Россий газетын» увертарымыж почеш, у тӧрлымаш почеш штрафым 300 тӱжем гыч пел миллион марте тӱлыктен, кок ий марте исправительный пашам ыштыктен, кум ий марте ӧкым пашам ыштыктен, кум ий марте эрык деч посна коден кертыт. Тиддеч посна нарушительлан куд ий мучко машинам виктараш чаралтеш. Тӧрлымаш юридический йодышым виктарен колташ ышталтын. Молан манаш гын, ончыч умылтарыме правонарушений- влак Кодексын ончыктымо наказанийыш логалын огытыл.

Прошлые выпуски