Александр Евстифеев Козьмодемьянск олаште чоҥен шуктыдымо оралте- влак шотышто порядкым ышташ кӱштен

                     Марий Элым вуйлатыше Александр Евстифеев Козьмодемьянск олаште чоҥен шуктыдымо оралте- влак шотышто порядкым ышташ кӱштен. Тыге, олаште стадионым чоҥен пытараш да чоҥен шуктыдымо илыме пӧртыштӧ кум озан праважым пӧртылташ задачым шындыме. Тидын нерген Республикым вуйлатышын эртарыме совещанийыште ойлымо. Кок объектше шотыштат умылымаш уло. Порядкым ыштыман да кушто кӱлеш административный мерым кучылтман. Республикыште дольщик- влак дене йодышым виктарен колтымо, тиде йодышымат ӧрдыжеш огына кодо,- каласен Александр Евстифеев. Пӧртым чоҥымо пашам умбакыже шуяш, стадионым 30-шо июль марте ыштен шукташ кӱштымӧ. Совещанийыште тыгак Йошкар-Оласе «Восточный» микрорайонышто тӱжемат 100 верлан у школым чоҥымо нерген ойлымо. Российын просвещений министерствыже чоҥашлан субсидийым налаш йодмашым сайлан шотлен. Проект документаций ямде, экспертизым эртарыме.

Прошлые выпуски