Пандемий тӱҥалме годсек республикыште 330 еҥ ӱмыр лугыч лийын

            Марий Элыште ик суткаште коронавируслан кӧра ик еҥ ӱмыр лугыч лийын. Стопкоронавирус.рф сайтын увертарымыж почеш, пандемий тӱҥалме годсек республикыштына 15 тӱжемат 22 еҥын тиде чержым пеҥгыдемдыме, 14 тӱжемат 152 еҥ эмлалт лектын. Ик суткаште 57 еҥлан тиде диагнозым шындыме, ик еҥ илыш дене чеверласен.  Тыге, тачысе кечылан чылаже 330 еҥ черым сеҥен кертын огыл. Кызыт инфекций пӧлкалаште тӱжемат 80 еҥ эмлалтеш. Тушечын 523 еҥжын ковид черым рашемдыме. 190 еҥ нелын черланышылан шотлалтеш, 53 пациент ИВЛ дене пайдалана.  Ик суткаште стационарыш 92 еҥым кондымо, 123 еҥым эмлыме вер гыч лукмо. Йоча- влак шотышто сӱрет тыгай. Республикысе йоча клинический эмлыме верыште кокла нелыт дене черланыше 25 еҥ эмлалтеш. Визытшылан пневмоний диагнозым шындыме, 10 йочан коронавирус чержым пеҥгыдемдыме.
               Республикыштына Ковид деч икымше прививкым 95 тӱжем наре еҥ ыштыктен. А тичмаш курсым 64 тӱжемат 500 еҥ эртен, - увертара Роспотребнадзор виктем. 18 ияш деч кугурак 94 тӱжемат 847 еҥ – тиде палемдыме чотын 30 процентше лиеш. Чылаже 316 тӱжемат 421 еҥлан ыштыман. Тичмаш курсым ыштыктыше- влак 20 процент утлаш погынат. Утларак еҥже- 98 процентше «Спутник Ви» препаратым шындыктен, ЭпиВакКороным- 815 еҥ, «КовиВакым» 757 еҥ. Тӱшка вакцинаций умбакыже шуйна.