Тӱжемат 365 еҥлан пудий пижын

             Республикыштына ик тӱжемат 365 еҥлан пудий пижын. Тенийсе эпидемиологий тургымышто 12-шо июльлан шотлымаште, медицина организацийлашке пудий пурлмо деч полышым йодын тӱжемат 365 еҥ миен. Тидыже моло ийласе кокла  показатель деч иктат пеле гана шукырак. Пудий пижме еҥ- влак кокла гыч 305 еҥже- 14 ияш марте йоча- влак улыт. Шым кугыеҥын боррелиоз чержым рашемдыме. Тургым тӱҥалме годсек эн шуко пудий ялла воктенысе чодыраште- 36 процент, ялла кундемыште- 32, сад-пакчалаште 20 процент пижын. Кап-кыл гыч налме да тергыме 585 копшаҥгыште боррелиоз черын, 25-ыште энцефалитын вирусыштым рашемдыме. Энцефалит ваштареш привикым ыштат. Тымарте тиде процедурым тӱжемат 27 еҥ эртен.