Йошкар-Оласе 16-шо номеран школын леведышыжым олмыктат

                  Йошкар-Оласе 16-шо номеран школын леведышыжым олмыктат. Кеҥеж каныш жапыште рӱдӧ олаште план почеш туныктымо тӧнеж- влакым уэмдат. Нунын коклаште Димитров уремеш верланыше 16-шо номеран кыдалаш школат уло. Олмыктымо паша дене олан мэрже Евгений Маслов палыме лийын. Тудо школым вуйлатыше- влак дене мутланен, школым кумдаҥдыме йодышым да ончыкылыкым каҥашен. 60 ийым темыше школын спортзал ӱмбалсе леведышым олмыктат, тӱҥ ужашыштат ситыдымашым кораҥдат. Тыгак асфальтым вашталташ шонат. Тиде школын ойыртемже- воктелсе верже пеш кумда. Сандене йоча- влаклан верым ешараш лиеш. Школым кумдаҥдыме шотышто темлымаш- влак улыт. Ончыкыжым тиде йодышым каҥашаш тӱҥалына, - каласен Евгений Маслов.

Прошлые выпуски