Вараксин кӱварым кумшо августлан олмыктен шуктышаш улыт

                     Йошкар-Олаште Вараксин кӱварым кумшо августлан олмыктен шуктышаш улыт. Тушто паша кузе кайымым олан мэрже треген лектын. Евгений Маслов капитально ачалыме пашам ончен. «Мостремстрой» подряд организацийын директоржо Андрей Лежнин мэрлан ӱшандарен ойлен: пашам сай качестве дене да жапыштыже шуктымо лиеш. Мэр палемден: тиде кӱвар пеш кӱлешан. Корно паша тений рекорд кугыт дене шукалтеш: 23 меҥге кужыт олмыкталтеш. Тидыже могунамсе деч ятырлан шукырак. Тиде кӱварым ыштымаште подрядчиклан у технологий решенийым кучылташ верештын, кум смене дене пашам ыштат, ик минутланат чарнен огыт шого. 10 кечыште 30 процент утла пашам шуктымо, арня мучашлан 75 процентыш шушаш. Тыгай темп вес арнян асфальтым шараш йӧным ышта. Тиде кӱварым 1970-шо ийлаште чоҥымо, а олмыктымо 1990-шо ийла мучашыште гына. Тиде жапыште тудо палынак шолдырген. Олмыкташ оксам республикын бюджетше ойырен.
Фото: https://gg12.ru/