Школышто тунемше медаль дене палемдалтеш
Российысе «Шокшо шӱм» мер да кугыжаныш инициативын шарнымашан медальжым кучыктат. 16-шо июльышто 10 шагатлан туныктыш министерствын конференц-залыштыже «Шокшо шӱмын» медальжым патырлыкым да лӱддымылыкым, поро койышым ончыктышо, нелылыкыш логалше- влаклан полышым пуышо йоча да самырык- влаклан пуат. Медальым тӱҥ федерал инспектор Павел Волков кучыкта. Награжденийлан Козьмодемьянскысе лицейын 11-ше классыштыже тунемше Иван Немихин мия. 4-ше июльышто Козьмодемьянск ола воктене Юл эҥерыште «Паллада» парус клыбын юнгыжо Иван Немихин вӱд гыч йоча- влакым утарен. Лӱддымылыкым да патырлыкым ончыктымылан МЧС-ын тӱн виктемже Иванлан тауштымашым увертарен. Тыге чолга рвезе трагедийым кораҥден.