Александр Евстифеев республикыште стерилизационный обработко рӱдерым ышташ кӱштен

                     Александр Евстифеев республикыште стерилизационный обработко рӱдерым ышташ кӱштен. Тыгай кӱштымашым тудо тазалыкралтыш министрлан «Тазалыкаралтыш» калыкле проектым шыҥдарыме нерген совещанийыште каласен. Тиде у технологий нерген ойлалтеш. Медицина ӱзгар- влакым у йӧн- ионизаций полшымо дене стерилизоватлымаш. Тидын шотышто паша шукталтеш. Тиде- Росатомын проектше. Тазлыкралтыш министерстве тиде пашаш чолган ушнышаш. Молан манаш гын, пандемий жапыште стерилизаций йодыш пеш пӱсын шога,- каласен Республикым вуйлатыше. Калыкле проектым шыҥдарыме нерген ойлымо годым Александр Евстифеев тазалыкралтыш системым вияҥдаш виктарыме мера- влакын кӱлешлыкышт  нерген ойлен. Тазалыкралтыш министр Марина Панькова проектым шындарыме тӱҥ лектыш- влак нерген ойлен. Тиде пашалан ик миллардат 500 миллион теҥге окса колталтеш. Калыкле проектыш пурышо регионысо шым проектым шыҥдараш 587 миллион теҥге окса толын. Тидыже талукаш планын 38 утла процентше. Ик проектше шотыштат окса кучылталтде кодеш манме лӱдыкшо уке,- каласен министр. Александр Евстифеев тыгак медицина кадрым ямдылыме йодышымат тӱткышыштӧ кучаш кӱлеш манын.  Калыклан медицина полышым налаш куштылго лийже манын задаче- влакым решатлаш кӱштен.

Прошлые выпуски