Самырык- влаклан патырлык урок

                   Самырык- влаклан патырлык урок. Марий Эл Кугыжаныш Погын деч  Россий Федерацийын сенаторжо, Федераций Советын оборона комитетшым вуйлатышын икымше алмаштышыже Сергей Мартынов Йошкар-Олаште Россий ДОСААФ-ын регионысо пӧлкажын курсантше- влак дене вашлийын да «Патырлык урокыш» миен. Тудо ушештарен: касвел эл-влак мемнан кугыжанышым санкций дене лӱдыктен кертдымыштым умылымеке, ынде самырык тукымым аҥыртылаш тӱҥалыныт, историйым вашталтен ойлат. Сандене ветеран- влак шке опытыштлан эҥертен, самырык тукымлан чын уверым намиен шуктышаш улыт. Чыла шонымашым колыштса, танастарыза, шоныза да шкаланда эре ик йодышым пуыза: кӧлан тиде пайдале? - каласен сенатор. Организацийым вуйлатыше-влак дене мутланыме годым самырык тукымым шуарыме йодышым умбакыже шуйымо. Мартыновын мутшо почеш ДОСААФ тиде задачым шуктымашке эре кугу надырым пыштен. Йодыш-влак, мутат уке, улыт. Но авиамодельный спорт, лӱйкалымаш дене таҥасымаш, парашютист да радиолюбитель- влакын таҥасмыашыштым эртараш йӧным муаш тыршат. Тидыжат пешак кӱлешан: Марий Элыште, пӱтынь Российысе семынак, самырык- влакым шуараш полшышо организаций-влакым арален коден кертме. Нунын кокла гыч иктыже- тиде ДОСААФ.
Фото: https://www.marpravda.ru/