Озаҥ олаште «Россий- спорт кучем» Тӱнямбал спорт форум эрта

               8-ше гыч 10-шо сентябрь марте Озаҥ олаште 9-ше гана «Россий- спорт кучем» Тӱнямбал спорт форум эрта. Тудо Президент Владимир Путинын распоряженийже почеш чумырга. А ямдыленытше Российын спорт министерствыже ден Татарстанын Правительствыже. Икымше гана тудо 2009-ше ийыште Озаҥыште эртен, вара Моско, Саранск, Якутск, Чебоксар, Доброград (Владимир область), Ульяновск да Угарман эртареныт. 11 ий эртымеке форум уэш Озаҥыш пӧртылеш. Тудын пашаштыже кугыжанышын, федерал кучем органлан кӱшыл должностной еҥышт, субъектлам, спорт фендерацийлам вуйлатыше, бизнес-структурын еҥышт, палыме спортсмен, эксперт- влак участвоватлат. Чыла кундем гыч кум тӱжем утла официальный делегат лийшаш. Тӱҥ площадкылан «Казань Экспо» тӱнямбал выставке рӱдер шотлалтеш.