Марий Элыш пӱтынь Россий гыч пушеҥгым пӱчкедыше- влак погыненыт

                 Марий Элыш пӱтынь Россий гыч пушеҥгым пӱчкедыше- влак погыненыт. Юлтехын тунемме да опытым ыштыме чодыра озанлыкыштыже «Пушеҥгым эн сайын сӱмырышӧ» республике кӱкшытан конкурс эртен. Тудым Чодыра министерстве ден Юлтех ямдыленыт. Таҥасымашке Брянск, Калининград, Угарман областьла да Удмуртий, Карелий, Чуваший гыч толыныт. Нуным кок тӱшклан ойырымо. Иктыштыже российысе кундемла гыч палыме мастар – влак лийыныт, весышкыже Марий Эл гыч лесничествын да чодыра участкым арендоватлыше- влакын еҥышт пуреныт. Уна- влак коклаште пушеҥгым эн устан сӱмырышылан Карелий гыч Александр Маллат шотлалтын. Марий Эл гыч профессионал- влак коклаште икымше верым «Мартрейд» предприятийын пашазыже Андрей Васильев налын. Командный эстафетыште Чувашийын представительже- влак ойыртемалтыныт.