Козьмодемьянскыште амбулаторный онкологий полыш рӱдер почылтын

                Козьмодемьянскыште амбулаторный онкологий полыш рӱдер почылтын. Тений республикыште почаш палемдыме рӱдер гыч тиде кокымшо. Специалист- влакын шонымышт почеш рӱдерын пашаже пациент- влак деке полышым лишемдаш, рак черым ондак рашемдыме еҥ- влакым шукемдаш полшышаш. Пале: черым ондак пален налат гын, тудо сайын эмлалтеш. Рӱдерым почмо дене,- ойла Козьмодемьянскысе эмлыме верын тӱҥ врачшын алмаштышыже Валентина Ратюкова, медицина оборудований ешаралтын, южо черле- влак гормонотерапийым кечывалымсе стационарыштак эртен кертыт. Тымарте тидым ышташ лийын огыл. Тиде рӱдер деке Курык марий да Юрино районлаште илыше- влакым пеҥгыдемдыме. Диспансер эскерымаште онкологий черан 800 наре еҥ шотлалтеш. Тиде чер дене черланыше- влак шукем толыт. Икымше рӱдерым тений Волжск олаште почмо, шыжым Шернурышто почылтшаш. Тудо Шернур, Марий Турек, Параньга, Куженер, У Торъял районласе калыклан полышым пуаш тӱҥалеш.

Прошлые выпуски