Йошкар-Оласе 9-Б микрорайонышто 320 верлан у йоча сад лиеш
Йошкар-Оласе 9-Б микрорайонышто 320 верлан у йоча садым чоҥаш тӱҥалыт. Тудо пӱя-котлован воктене лийшаш. Йоча тӧнеж кум пачашан, тушто 13 группа, музыка ден физкультура пӧлем, медицина кабинет да пищеблок лийшаш. Чоҥымо паша лишыл жапыште тӱҥалшаш. Ушештарена: тений февральыште мэрий ден лишне верланыше пӧртлаште илыше- влак тиде кумдыкым тӱзландарыме нерген ойленыт ыле. Чиновник- влак эн ончыч йоча сад лийшаш маныныт. Кызыт тушто 30 утла шуко пачеран пӧрт верланан. А йоча- влаклан ик муниципал йоча сад да кок частный сад веле уло. У тӧнеж ача-ава- влакын илышыштым куштылемдаш полшышаш.
"Тендан у кечыда" газетын фотожо.
"Тендан у кечыда" газетын фотожо.