Мемнан медшӱжарна- Российыште эн сай- влак коклаште

                Мемнан медшӱжарна Российыште эн сай- влак коклаште. «Кыдалаш медицина да фармацевт шинчымашан эн сай специалист» Россий кӱкшытан конкурсышто «Эн сай кугурак медшӱжар» номинацийыште Светлана Чернышова кумшо верым сеҥен налын. Тудо Йошкар-Оласе перинатал рӱдерыште аза- влаклан реанимаций пӧлкаште кугурак медшӱжарлан пашам ышта. Конкурсыш Российысе 68 кундем гыч 349 паша пурен. А сеҥышыш 8 номинацийыште улыжат 24 еҥ лектын. Светлана 2002-шо ий годсек перинатал рӱдерыште тырша, кок ият пеле гыч кугурак медшӱжар лийын. 2008-ше ийыште Марий университетым тунем пытарен. 2009-ше ийыште Республикысе президентын грантшым сеҥен налын, 2010-шо ийыште «Карьера» конкурсышто сеҥышыш лектын, Россий конкурсын регионысо йыжыҥыштыже эн сай медшӱжар семын  кум гана сеҥышыш лектын.