Таче Россий Правительстве председательын алмаштышыже Марат Хуснуллин Правительство комиссий президиумын заседанийже эртарен

          Марий Элым вуйлатыше Марат Хуснуллинын эртарыме совещанийыште лийын. Таче Россий Правительстве председательын алмаштышыже Марат Хуснуллин Правительство комиссий президиумын заседанийже эртарен. Видеокыл йӧн дене эртыше совещанийыште Марий Элым вуйлатыше Александр Евстифеев участвоватлен. Мутланымаш калыкле проект- влакым шыҥдарыме, ойырымо оксам кучылтмо, 2022-шо 2024-ше ийласе мероприятий- влаклан оксам ойыраш проект да смета документацийым ямдылыме нерген лийын. Республикыште тений 369 тӱжем квадрат метр илыме верым чоҥен шуктыман, пел ийыште 156 тӱжем квадрат метрым ыштыме. Тыгак тений 85 кумдык тӱзландаралтеш, 38-ыштыже пашам шуктымо. Вес ийлан 91 кумыдкым палемдыме. 2022-шо ийлан ыштышаш пашалан торг ден контрактым тений октябрь марте ыштен шуктыман. Тошто пӧртла гыч 7 тӱжемат 54 еҥым кусарыман, кок тӱжемат 800 утла пачерым ямдылыман. «Яндар вӱд» федерал проект почеш 2024-ше ий марте йӱшаш вӱд объектлам пужен ыштыме шотышто 18 мероприятий шукталтшаш. «Лӱдыкшыдымӧ качестван корно- влак» калыкле проект кышкарыште тений 45 объектыште пашам шуктыман. Вес ийлан 35 объект гыч 33-шылан контрактым ыштыме.