Александр Евстифеев Россий Почто кечылан пӧлеклалтше торжественный мероприятийыште лийын

               Александр Евстифеев Россий Почто кечылан пӧлеклалтше торжественный мероприятийыште лийын. Тудо палемден: Российын Почтыжо- Европышто ик эн тошто почто службо. Революций деч ончыч тудо калыклан уверым кондышо ик йӧн гына лийын. Кызыт тудо кужу кумдык дене ойыралтше еҥ- влакым уша, ӱшанлын корреспонденийым намиен шукта, моло полышым пуа. Почта служба чолган вияҥеш, ешартыш полышым пуа, инфрастукткрыжо пояҥеш, йӧнан цифран сервис ышталтеш. Илалше- влаклан ончычсо йон денак полышым пуат. 695 почтальон ола да район рӱдӧ деч посна тӱжемат 402 ялым обслуживатла. Кодшо ийын нуно 10 миллион серыш ден бандерольым, 600 тӱжем посылке ден пакетым, 7 миллион газет ден журналым намиен пуэныт. Марий Элыште 257 почто кыл пӧлка уло. Тушто тӱжемат 700 еҥ пашам ышта. Мучашлан Александр Евстифеев почто пашаеҥ- влаклан тауштен да ойыртемалтше- влаклан наградым кучыктен. Правительствын Чап грамотыж дене почтальон Зинаида Кавказина, Морко почтамтым вуйлатыше Олег Кузнецов да связь оператор Лидия Соснина палемдалтыныт. Республикым вуйлатышын Татуштымашыжым почтальон Ирина Ермакова ден управляющий Надежда Порфирьевалан увертарыме. «Марий Эллан 100 ий» шарнымашан медальым Волга макрорегионын директоржо Александр Вакуленколан кучыктымо.