Шолыштын от пойо
Теплотрассе гыч вӱдылтышым шолыштмылан эрык деч посна коден кертыт. МВД виктемын кокымшо полиций пӧлкаже Йошкар-Олаште илыше пӧръеҥ шотышто теплотрассе гыч изоляцийым шолыштмыжлан уголовный пашам тарватен. Рашемдыме: тений июньышто «Т Плюс» компанийын М-3 тепломагистральже гыч 129 лист калайым рончен налын да кӱртньӧ пудырго семын сдатлен. Компанийын пашаеҥже- влак шолыштмашым вашке гына фиксироватленыт. Правам аралыше органыш увертарымаш да тергымаш титаканым рашемдаш полшен. Кызыт шымлымаш умбакыже шуйна. Титакан еҥ- влак ешаралт кертыт. Чыланат мутым кучаш тӱҥалыт. Уголовный кодекс почеш тыгай осал пашалан вич ий марте эрык деч посна коден кертыт.