«Чыр Мари» командын пилотшо чынжымак чыр улеш

                     Икымше гыч 6-шо июль марте Россий кундемыште «Порсын корно» Тӱнямбал ралли эртаралтын. Йошкар-Ола гыч «Чыр Мари» командын пилотшо Александр Максимов квадроцикл классыште ралли-рейдыште абсолютный сеҥыше лийын. Тудо раллин чыла спецучасткыштыжат ончыко лектын. Мотоциклет спорт дене Тӱнян кубкыжым сеҥен налше Александр Максимов дене Спорт-туризм министервыште вашлиймаш лийын. Тыгаяк вашлиймаш олан мэрже Евгений Маслов денат эртен. Александр 2018-ше ийыште квадроцикл дене кросс кантри ралли дене, 2019-ше ийыште квадроцикл категорийыште бах дене тӱнян кубокшым сеҥен налын, тиде ийынак «Порсын корно» раллиште Тӱнян Чемпионатшын ший призёржо лийын. Министр Лидия Батюкова Александр Максимовлан министерствын тауштымашыжым да шарнымашан сувенир- влакым кучыктен. Вашлиймашыште тыгак «Чыр Марий» спорт командын еҥже- влак Алексей Иванов, Сергей Черняков, Дмитрий Ермолин, Владимир Спириденко лийыныт. Нуно чыланат министрын тауштымашыжым налыныт.